Nagkomento ang komedyante at certified Kakampink na si Pokwang sa kontrobersyal na isyung kinasasangkutan ngayon ni Ella Cruz, kaugnay ng naging pahayag nito sa kasaysayan.
"History is like chismis. It is filtered and dagdag na rin, so, hindi natin alam what is the real history. Andoon na iyong idea, pero may mga bias talaga… As long as we're here alive at may kanya-kanyang opinion, I respect everyone's opinion," saad ng actress-dancer.
Naging trending sa Twitter ang pangalan ni Ella Cruz dahil sa kaliwa't kanang batikos na natanggap niya dahil dito. Nagbigay na rin ng saloobin dito ang mga historyador at kapwa celebrities.
Ngayong Hulyo 4 ay nagbigay naman ng komento rito ang naging nanay ni Ella Cruz na si Pokwang sa teleseryeng "Aryana" sa ABS-CBN noong 2012, kung saan gumanap siya bilang sirena.
PBBM admin, nagsisilbing ‘totoong kalamidad’ sa ‘Pinas – Maza
Ayon kay Pokie, tanggap niya ang pananaw ni Ella sa politika subalit hindi niya matatanggap ang naging pahayag nito tungkol sa kasaysayan.
"Nak Ella Cruz tanggap ko pananaw mo sa politika at respeto ko ang sino man sinuportahan mo, pero sa usaping HISTORY, di ako sasang-ayon sa'yo nak dahil mali! maling mali…" ayon sa tweet ni Pokwang.
Kung alam lang daw niya, baka ibinalik na lamang niya raw sa dagat ang anak-anakan, batay sa serye nila.
"Mabuti pang ibalik na kitang muli sa dagat nak, mayaman sa iodin ang dagat nakakatalino raw 'yan #Aryana," hirit pa ng komedyante.
Samantala, wala pang tugon, reaksiyon, o pahayag tungkol dito si Ella.
