STA TERESITA, Cagayan — Dalawa ang patay nang pagbabarilin ng hindi pa nakikilalang mga armadong lalaki ang isang inuman sa Zone 1, Brgy. Alucao sa bayang ito dakong alas-7:40 ng gabi noong Lunes, Hunyo 27.
Kinilala ng Cagayan Police Provincial Office ang mga biktima na sina Arnel Gander Gallardo 42, residente ng Brgy. San Lorenzo, Buguey, at Wilfredo Tagata Padua Jr, 37, ng Zone 1, Brgy. Alucao, Sta Teresita, Cagayan.
Batay sa inisyal na imbestigasyon, nag-iinuman sa kanilang dining area ang mga biktima, kasama ang apat na iba pa.
Biglang may pumaradang puting hatchback na sedan sa harap ng bahay.
Catanduanes, niyanig ng magnitude 6.1 na lindol
Agad namang lumapit sa bahay ang tatlong sakay ng sasakyan kahit na tinatahol sila ng mga aso. Binuksan ng isa sa mga suspek ang pinto patungo sa dining area.
Sa pagkakataong ito, ang mga suspek, nang walang anumang probokasyon, ay nagpaputok gamit ang hindi pa mabatid na kalibre dahilan ng agarang pagkamatay ng dalawang biktima.
Ang iba sa sesyon ng inuman ay nagawang tumalon sa iba't ibang direksyon.
Agad na kinordon ng Teresita Police ang lugar at humingi ng tulong sa Cagayan Provincial Forensic Unit (CPFU), Centro, Lallo, Cagayan para iproseso ang pinangyarihan ng krimen.
