Sabik na sabik nang maglaro si small forward Calvin Abueva sa opening-day ng PBA Philippine Cup sa Hunyo 5 kung saan makakasagupa ng koponan niyang Magnolia ang TNT Tropang Giga.
"Very excited. First time ko mag-opening game. Buong career ko hindi pa ako nakakapaglaro ng opening game kaya exciting ito," bahagi ng pahayag ni Abueva na ipinost sa website ng PBA.
Dakong 6:00 ng gabi, nakatakdang maglaban ang Magnolia Hotshots at Tropang Giga bilang pagsisimula ng PBA Season 47 sa Smart-Araneta Coliseum sa Cubao, Quezon City.
Matatandaangpinataob ngTNT ang Magnolia sa limang laro para sa kanilang All-Filipino Cup title sa nakaraang season.
'Pikon daw?' UAAP fan na nag-dirty finger, agaw-eksena sa San Juan Arena!
"Itong team na ito, hindi madaling kalaban, may title yan," sabi ni Abueva na kabilang sa kandidato para sa Most Valuable Player award na igagawadsa laro nila sa Linggo.
Kasama rin sa kandidato para sa naturang award siGovernors' Cup Best Player of the Conference Scottie Thompson (Ginebra), at stats leaders na sina Robert Bolick (NorthPort) at Mikey Williams (TNT).
