Hinimok ng Malacañang ang publiko na sumulong at magtulungan habang pinuri ang bagong hanay ng mga senador na nanalo sa katatapos na halalan noong 2022.
Ginawa ito ni Communications Secretary Martin Andanar nang iproklama ng Commission on Elections (Comelec) ang 12 bagong mambabatas noong Miyerkules, Mayo 18.
Sa isang pahayag, pinuri ni Andanar ang mga bagong proklamadong Senador ng Republika, sa pagsasabing ang set na ito ay nagdadala ng isang hanay ng pag-asa at optimismo.
“Our people have elected old and new faces in the Senate, and there is a sense of hope and optimism with the new set of lawmakers,” aniya.
Romina, patuloy na kumikilos patungong Southern Kalayaan Islands
Sinabi ng gumaganap na tagapagsalita ng Palasyo sa proklamasyon ng mga bagong senador; oras na para sumulong at magtulungan upang matugunan ang mga mabibigat na isyu gaya ng patuloy na krisis sa kalusugan.
“It is now time to move forward after a divisive election campaign and begin the daunting task of speeding up our economic recovery affected by the Covid-19 pandemic,” ani Andanar.
“Let us work closely together and pray for our nation’s success,” dagdag niya.
Ang 12 nanalong senatorial candidates ay sina Robin Padilla, Loren Legarda, Raffy Tulfo, Sherwin Gatchalian, Francis Escudero, Mark Villar, Alan Peter Cayetano, Juan Miguel Zubiri, Joel Villanueva, JV Ejercito, Risa Hontiveros, at Jinggoy Estrada.
Argyll Cyrus Geducos
