Carlos, 'di pa papalitan bilang PNP chief

By Balita Online

April 18, 2022

In BALITA

Wala pang utos na papalitan na sa puwesto si Philippine National Police (PNP) chief, Gen. Dionardo Carlos.

Ito ang kinumpirma ni Carlos sa isang pulong balitaan at sinabing wala rin siyang alam sa kumakalat umano na text message na nagsasabing papalitan na siya ni PNP-Deputy Chief for Administration Lt. Gen. Rhodel Sermonia sa puwesto sa Abril 25.

“If there's an order I will follow. So ako naman, trabaho lang 'yung hinanap ko. If the task is done, then I will retire come May 8, that is according to the law, so I will follow,” anito.

Aabot na sa mandatory retirement si Carlos sa edad na 56 sa Mayo 8.

“Nandito pa ako kaya ibig sabihin, ‘Magtrabaho ka pa Caloy.' Ako trabaho lang ako. I make sure I work up to the last day. If the work is done and that sets everything,” sabi ng opisyal.

Umupo si Carlos sa puwesto noong Nobyembre 12.

Idinagdag pa ni Carlos, pagtutuunan pa rin ng pansin ng kanyang liderato ang maayos at mapayapang pagdaraos ng eleksyon sa Mayo 9 National elections.

PBBM sa ‘Linggo ng Pagkabuhay’: ‘Sama-sama rin tayong babangon bilang isang bayan’

Sa kaniyang pakikiisa sa pagdiriwang ng Linggo ng Pagkabuhay ngayong Abril 20, ipinahayag ni Pangulong Ferdinand “Bongbong” Marcos Jr. na sa muling pagkabuhay ni Hesukristo, sama-sama rin daw babangon ang bawat Pilipino.Inilarawan ng pangulo sa isang Facebook post Linggo ng Pagkabuhay, na kilala rin bilang Pasko ng Pagkabuhay, bilang paalala ng pananaig ng “liwanag” at “pag-asa” para...

Easterlies, patuloy na magdadala ng mainit na panahon sa PH – PAGASA

Inaasahang patuloy na magdadala ang easterlies ng maalinsangang panahon sa bansa ngayong Linggo, Abril 20, ayon sa Philippine Atmospheric, Geophysical and Astronomical Services Administration (PAGASA).Base sa ulat ng PAGASA kaninang 4:00 ng madaling araw, iniulat ni Weather Specialist Daniel James Villamil na bukod sa mainit na panahon, may tsansa pa ring makaranas ng mga kalat-kalat na pag-ulan...

5.9-magnitude na lindol, tumama sa Sultan Kudarat; sinundan ng malalakas pang pagyanig

Niyanig ng 5.9-magnitude na lindol ang lalawigan ng Sultan Kudarat nitong Linggo ng madaling araw, Abril 20, na sinundan ng iba pang malalakas na pagyanig, ayon sa Philippine Institute of Volcanology and Seismology (Phivolcs).Base sa tala ng Phivolcs, yumanig ang magnitude 5.9 na lindol na tectonic ang pinagmulan dakong 12:11 ng madaling araw.Namataan ang epicenter nito 51 kilometro ang layo sa...