Matapos tanghaling PBA Season 46 Governors' Cup's Best Import at Best Player of the Conference sina Justin Brownlee at Scottie Thompson, ayon sa pagkakasunud-sunod, ipinanalo rin nila ang Barangay Ginebra laban sa Meralco, 95-84, sa Game 4 ng kanilang best-of-seven champion series sa Smart-Araneta Coliseum nitong Miyerkules ng gabi.
Nagtulungan sina Brownlee at Thompson na kapwa kumamada ng 27 puntos, bukod pa ang 18 rebounds at pitong assists ng una.
Nag-ambag naman sina LA Tenorio ng 17 puntos, at 11 naman kayChristian Standhardinger.
Bago naiuwi ang panalo, nagtabla muna ng iskor ang Ginebra at Meralco sa 41-41 sa kalagitnaan ng laro.
Mentor era? John Amores, nagtuturo na ng 'shooting skills' sa aspiring players
Umabot pa sa 20 ang abante ng Gin Kings sa huling yugto ng salpukang pinanood ng 17,298 na fans, karamihan ay taga-suporta ng Barangay Ginebra San Miguel.
Dahil dito, tabla na sa 2-2 ang Finals series.“That’s when we're at our best when everybody is contributing and working on the offense and defense side. I thought we played our best game of the series today,” komento naman ni Ginebra coach Tim Cone.
