Hindi na pinakawalan ni Ginebra import Justin Brownlee ang pagkakataon nang ilampaso nila ang NLEX Road Warriors, 112-93, sa Game 4 ng semifinal series ng PBA Governors' Cup sa Smart-Araneta Coliseum nitong Miyerkules ng gabi.

Humakot muna ng 47 puntos, 10 rebounds at anim na assists si Brownlee upang selyuhan ang pagbabalik ng Gin Kings sa finals bilang ganti sa pagkatalo sa NLEX sa kanilang Game 3 na dapat sana ay pagwalissa serye.

Ang naging produksyon ni Brownlee ay ikatlo sa pinakamataas niyang puntos sa liga mula nang gumawa ng career-high na 50 sa laban nila ng Columbian Dyip sa 2019 Commissioner's Cup noong Hulyo 14.

“Life is a lot easier when you have Justin Brownlee around. What a phenomenal, phenomenal performance that was by Justin. I’m amazed by it,” reaksyon naman ni Gin Kings coach Tim Cone.

PBA, hinihingi panig ni Amores; makabalik pa kaya sa liga?

Malaki rin ang naging ambag ni Jeff Chan na nagbulsa ng 20 puntos at sina LA Tenorio (14), Nards Pinto (12), at Christian Standhardinger (10).

Itinakda pa ang 'do-or-die' game ng Magnolia at Meralco sa Abril 1 matapos manalo ang una nitong Miyerkules ng gabi.

Ang magwawagi sa nasabing laban ay haharapin ng Ginebra sa finals.