Hindi malilimutan ng mag-asawang Dingdong Avanzado at Jessa Zaragoza ang bisperas ng Pasko dahil imbes na mga tagahanga at tagasuporta ang dumumog at kumuyog sa kaniya, ito ay mga tusok mula sa mga mapanganib na bubuyog!
Makikita sa Instagram post ni Jessa nitong Disyembre 24 ang larawan nila ni Dingdong habang ang mister ay nakahiga sa hospital bed. Sa isang litrato pa, makikita ang isa sa mga bubuyog na umatake sa mister.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"These past 24 hours have been one of the most memorable and jarring experiences we’ve encountered as a family. During Dingdong’s golf game yesterday, he was stung by a swarm of bees. He drove home feeling really sick and nauseated. As soon as he got home, that was the first time I’d seen my husband throw up really bad. I got so worried he’d go into anaphylactic shock, due to the venom coming from the multitude of bee stings," caption ni Jessa.
Nang binilang nila umano ang mga stings sa katawan ni Dingdong, ito ay umabot sa 40, na karamihan daw ay nasa likod. Ayaw pa sanang magpa-hospital ni Dingdong, kung hindi lang daw 'nagalit' ang anak nilang si Jayda.
"I counted over 40 stings all over his body, the majority on his back, where it looks like the bees invaded his shirt. I tried convincing him to go the hospital, Pero ayaw talaga. Buti nakinig sa Anak! @jayda. 'Minsan pala kailangan din pagalitan ng anak yung tatay! Hahaha.'"
"So finally, we went to the ER and hooked him up with some stronger meds through an IV. May swelling pa din mga bites esp the one sa eye nya. Medyo nakasara yung isa. (Kuya @randysantiagoofficial parang naAlala kita sa mata ni dingdong ngayon hahaha Miss you Kuya! Sing you soon!)."
Sa ngayon ay maayos na umano si Dingdong at nagpapagaling na.
"Dingdong is doing fine right now. Medyo groggy pa rin from the anti-tetanus vaccine. We hope and pray that he will recover faster. I think that the most important thing right now for our family is the fact that we can celebrate this Christmas being together. Thank you to all our dear friends that sent us well wishes for Dingdong. Merry Christmas!!! May GODBLESS you all!"
Samantala, mukhang okay na nga si Dingdong dahil nakapag-post pa ito ng Christmas greetings at pasasalamat sa lahat ng mga nag-alala para sa kaniya.
"Thank you so much for all your well wishes and prayers. May you all have a Merry and meaningful Christmas," saad ni Dingdong sa comment section ng IG post ng misis.
