Masayang ibinahagi ng Viva actress at tinaguriang 'Drama Princess' ng TV5 na si Julia Barretto na siya ang kauna-unahang brand ambassador ng isang beauty product.
"I am truly honored to be the first ever brand ambassador of @miraclewhite. So happy to be part of this fun, loving family, and excited for the things to come," saad ni Julia sa kaniyang Instagram post.
Bretman Rock, ibinida ang Filipina Barbie Doll na likha ng Fil-Am artist
Sa virtual media conference na isinagawa para sa kaniya, game na binigyan ni Julia ang sarili ng rating na 10 sa pagiging kikay; iyon naman din kasi umano ang sasabihin ng bashers at haters niya, at aminado siyang maarte naman daw talaga siya.
Anyway, natanong din siya kung sa ganda ba naman niya ngayon, patunay na kinuha siyang endorser ng beauty product, eh may insecurities pa ba siya sa panlabas niyang anyo?
"Most say they wish I was taller. I wish I was as tall as Claudia, my sister. Sometimes she’s younger than I," pag-amin ni Julia.
Pero nagagawan naman daw nang paraan ang lahat. Natutuhan na raw niyang yakapin kung ano ang ipinagkaloob sa kaniya ng Diyos.
"But then you find ways. You buy sneakers na may heels. You wear jeans if you want kahit nasa putikan ka. I have totally embraced who I am and my height. I just find ways to be a little taller," aniya.
Iniisip din niya na higit pa sa kaniyang mga insecurities, nariyan naman ang mga nag-uumapaw na biyaya na natatanggap niya at ng kaniyang pamilya. Sunod-sunod ang kaniyang mga proyekto at nariyan din ang very supportive boyfriend na si Gerald Anderson.
"We are blessed. It’s a good year (for us) this year. There is real magic in counting your blessings. Every time na medyo napapagod na ako or stressed, I really take the time to shut down and take a moment for myself. Then I count the things that I should be grateful for, and I feel we are blessed, especially this year so hindi ko pinapayagan na mangibabaw ang stress and negativity because again, hindi nakaka-ganda."
"So always count your blessings especially now na hindi natin alam kung ano ang mangyayari mamaya or bukas so I just want to enjoy what I have and the people around me,” dagdag niya.
Kaya naman ay payo siya sa kababaihan kung minsan ay nangingibabaw sa kanila ang insecurities.
“I totally get it. I totally understand. But at some point, we just have to accept it and let go of things that we cannot control because it will lead us to frustrations or anger. So I pray that you just learn to love it and find ways to embrace it. Just make some adjustments and try to forget about the things you don’t really like about yourselves. Later on, that will be your greatest strength, I promise," aniya.
Ano nga ba ang sikreto ni Julia upang mapanatili ang kaniyang ganda at kinis ng kutis?
“Beauty rituals ko, once or twice a week, favorite ko talaga mag-body scrub sa bahay. I love smooth skin. I love baby skin. Then twice a day, I take Miracle White Supplements. I always wash my face and moisturize it. Belo, Ponds, and Miracle White, thank you so much for making me beautiful every day.”
