Agad na nagpaliwanag ang aktres na si Liza Soberano kung bakit hindi sila nakadalo ng kaniyang katambal at real-life boyfriend na si Enrique Gil sa inabangang ABS-CBN Christmas Special 2021 na ginanap nitong Disyembre 18.
Marami pa namang 'LizQuen' fans ang nag-aabang na muli silang masilayang magkasama nang live sa telebisyon at online platforms ng ABS-CBN kasama ng mga bigating Kapamilya stars na dumalo sa naturang Christmas special na taunang ginagawa ng network.
Ipinaliwanag ni Liza sa kaniyang Twitter account ang dahilan kung bakit bigla silang umalis ni Enrique, ilang oras bago magsimula ang naturang show.
"Hello everyone! As much as @itsenriquegil and I would’ve loved to be at the ABS-CBN Christmas Special this year, we won’t be able to make it due to unforeseen circumstances. We really wanted to be there for all of you and we were ecstatic to see our Kapamilya whom we missed dearly," aniya sa isang tweet.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Nakatanggap umano ng tawag si Liza mula sa kaniyang mga kapamilya sa States na hindi maganda ang lagay ng kaniyang lolang si Bobbie.
"Actually we were just at ABS-CBN yesterday recording for tonight’s event. I received a call from my family in the states yesterday right after recording and I was told that my great grandma Bobbie wasn’t doing so well."
Hindi nagpatumpik-tumpik si Liza na lumipad patungong US upang makapiling ang lolang nag-alaga sa kaniya. At syempre, sinamahan siya ni Enrique.
"She was one of the people who raised me back when I was in America and I wouldn’t miss being with her during tough times for the world. Please include her and the rest of our family in your prayers. Thank you so much for understanding. Love you all."
Nanghihinayang man, naunawaan naman ito ng mga LizQuen fans na miss na miss na silang makita together.
