Sisimulan ng Pampanga Delta at ng La Union PAOwer ang kanilang duwelo para sa pinag-aagawang titulo ng Chooks-to-Go National Basketball League-Pilipinas (NBL) Chairman’s Cup 2021 sa Bren Z. Guiao Convention Center sa San Fernando, Pampanga ngayong Sabado, Disyembre 4.
Magtutuos ang Delta at ang PAOwer sa Game 1 na sisimulan ng alas- 5:30 ng hapon.
Nagkaharap sa kampeonato ang dalawang koponan noong nakaraang taong Season 3 finals kung saan nagwagi ang Delta,3-1 sa kanilang best-of-five title series.
Tatangkain ng Pampanga na muling masungkit ang korona sa pinaikling best-of-3 series.
