Nakapagtala ang Department of Health (DOH) ng 564 bagong kaso ng COVID-19 nitong Huwebes, Disyembre 2.
Ayon sa DOH, mas mataas ito ng 64 kaso kumpara sa 500 COVID-19 cases lamang na naitala noong Miyerkules ng hapon.
Batay sa case bulletin #628 ng DOH, dahil sa mga naturang bagong kaso ng sakit, umaabot na ngayon sa 2,833,473 ang total COVID-19 cases sa Pilipinas.
Sa naturang kabuuang bilang, 0.5% na lamang o 15,188 ang aktibong kaso o nagpapagaling pa mula sa karamdaman.
Camille Villar, nagpasalamat kay VP Sara Duterte sa Suporta
Sa mga active cases naman, 7,126 ang mild cases, 3,817 ang moderate cases, 2,463 ang severe cases, 1,067 ang kritikal at 715 ang asymptomatic o walang nararamdamang sintomas ng sakit.
Mayroon din namang 694 mga pasyente ang gumaling na sa karamdaman, kaya’t sa kabuuan, nasa 2,769,533 na ang total COVID-19 recoveries sa bansa o 97.7% ng total cases.
Nakapagtala pa rin naman ang DOH ng 40 pasyente na namatay sa sakit.
Sa kabuuan, nasa 48,752 na ang COVID-19 deaths sa bansa o 1.72% ng total cases.Mary Ann Santiago
