Arestado ang isang pinahihinalaang big-time drug pusher sa ikinasang buy bust operation ng pulisya nang masamsaman ng ₱102 milyong halaga ng iligal na droga sa Caloocan City nitong Lunes ng madaling araw.
Nakakulong na ang suspek na si Randy Rafael, 42, taga-2279 P. Dandan Street, Pasay City.
Sa paunang imbestigasyon ng pulisya, si Rafael ay tauhan umano ng isang Chinese na supplier ng droga sa Metro Manila.
Dakong 1:20 ng madaling araw nang ikasa ng mga awtoridad ang anti-drug operation na ikinaaresto ng suspek saBaesa Road, Barangay 161, Zone 14.
Mayor Lacuna: Payout sa 203K seniors, malapit nang matapos
Bukod sa iligal na droga, nasamsam din kay Rafael ang marked money, ayon sa mga imbestigador.
Nahaharap ngayon ang suspek sa kasong paglabag Republic Act9165 (Comprehensive Dangerous Drugs Act of 2002).
Orly Barcala
