Nakapagtala na lamang ang Department of Health (DOH) ng 838 na bagong kaso ng COVID-19 sa bansa.
Mas mababa ito kumpara sa 899 COVID-19 cases na naitala noong Sabado ng hapon.
Dahil naman sa mga bagong kaso ng sakit, umaabot na sa 2,831,807 ang total COVID-19 cases sa Pilipinas.
Gayunman, sa naturang kabuuang bilang, 0.6% na lamang o 16,630 ang aktibong kaso o nagpapagaling pa mula sa karamdaman.
Ilang retiradong AFP at PNP officials, sumulat kay PBBM; inalmahan 2025 nat'l budget?
Sa mga active cases naman, 47.8% ang mild cases, 23.36% ang moderate cases, 15.2% ang severe cases, 7.1% ang asymptomatic o walang nararamdamang sintomas ng sakit, at 6.5% naman ang critical cases.
Mayroon din namang 1,217 mga pasyente ang gumaling na sa karamdaman, kaya’t sa kabuuan, nasa 2,766,816 na ang total COVID-19 recoveries sa bansa o 97.7% ng total cases.
Mayroon pa rin namang 156 pasyente na namatay dulot ng COVID-19.
Sa kabuuan, nasa 48,361 na ang COVID-19 deaths sa bansa o 1.71% ng total cases.
Mary Ann Santiago
