Mga biyahero mula HK, inirekomenda i-ban vs bagong variant

By Balita Online

November 27, 2021

In BALITA National

Kinumpirma ni Health Secretary Francisco Duque III na inirekomenda na ng Department of Health (DOH) ang pagba-ban o pagbabawal muna sa mga biyahero mula sa Hong Kong na makapasok sa Pilipinas, kasunod na rin nang pagkakadiskubre sa bagong coronavirus disease 2019 (COVID-19) variant sa nabanggit na lugar.

Ipinahayag ni Duque na lumiham na sila kay Executive Secretary Salvador Medialdea upangmaaksyunanito kaagad upang matiyak na hindi makapapasok sa bansa ang naturang bagong COVID-19 variant.

“Yes. Ikinokonsidera na rin 'yan. Kaya nga sumulat na kami, nag-rekomenda kami kay Executive Secretary [Salvador Medialdea] na kung puwedeng maaksyunan ito agad para makasiguro tayo na hindi makapasok ito,” pahayag pa ni Duque, pahayag nito sa isang television interview nitong Sabado.

Naiulat nitong Sabado na inaprubahan na ng Inter-Agency Task Force (IATF) ang pansamantalang suspensyon ng inbound international flights mula sa South Africa, Botswana, at iba pang bansa na may lokal na kaso o nakitaan ng B.1.1.529 (Omicron) variant, ilang linggo na lamang bago ang panahon ng Kapaskuhan.

Aniya, kailangang kaagad itong tugunan, lalo na ngayong nalalapit na ang panahon ng kapaskuhan at inaasahang maraming Pinoy mula sa iba’t ibang bansa ang mag-uuwian sa Pilipinas.

Umaasa naman aniya siya na makakatanggap sila ng agarang tugon mula sa pamahalaan hinggil sa kanilang rekomendasyon.

Idineklara na ng World Health Organization (WHO) bilang isang 'variant of concern' ang B.1.1.529 coronavirus variant na nadiskubre sa Hong Kong.

Mary Ann Santiago

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...