Kahit ang mga sikat na artista o singer ay maituturing ding 'fan' ng kapwa nila artist.
Napa-wow na lamang ang sikat na Kapamilya singer na si Darren Espanto matapos mag-like sa kaniyang Instagram post ang South Korean actor na si Wi Ha-joong, dahil sa paggaya niya sa karakter nito sa patok na South Korean series sa Netflix na 'Squid Game'.
Noong Oktubre 31 kasi, nagbihis si Darren bilang si Officer Hwang Jun-Ho, at tinag niya pa mismo si Wi Ha-joong. Marami naman sa mga netizens ang nakapansing bagay na bagay sa kaniya ang peg niya, at magkahawig sila.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Sa isa pang IG post, dito na sinabi ni Darren na ni-like ng South Korean actor ang kaniyang IG post.
"@wi__wi__wi LIKED THIS POST. AHHHH" pahayag ni Darren.
Bukod sa Squid Game, una siyang nakilala sa mga pelikula gaya ng 'Gonjiam: Haunted Asylum' at 'Shark: The Beginning and Midnight,' gayundin sa mga television series gaya ng 'Something in the Rain', Romance Is a Bonus Book', '18 Again', at iba pa.
