COVID-19 drive-thru vaccination site sa Maynila, binuksan na-Balita

Binuksan na nitong Sabado ng umaga ang COVID-19 drive-thru vaccination site sa Quirino Grandstand sa lungsod ng Maynila, na matatagpuan sa tabi lamang ng COVID testing site at ng Manila COVID-19 Field Hospital.

Mismong si Manila Mayor Isko Moreno ang nanguna sa pagbubukas ng naturang pinakabagong vaccination site ng lokal na pamahalaan, na ang layunin ay higit pang mapabilis ang pagbabakuna sa mga Manilenyo at mabawasan ang pila sa mga vaccination centers.

Photo Courtesy: Manila Public Information Office/FB

Kasama rin niya sa launching ng naturang proyekto sina Manila Vice Mayor Ma. Sheilah ‘Honey’ Lacuna-Pangan, Manila City Health Officer Dr. Arnold Pangan, Metro Manila Development Authority (MMDA) Chairman Benhur Abalos, National Task Force (NTF) against COVID-19 Deputy Chief Implementor Secretary Vince Dizon at Department of Health (DOH) Assistant Secretary Elmer Punzalan.

Ayon kay Moreno, maaaring magpabakuna dito ang mga indibidwal na may sasakyan na may apat na gulong, gaya ng jeep o kotse.

Hindi pa naman pwedeng pumila ang mga nakamotorsiklo o bike sa ngayon.

Paglilinaw naman ni Moreno, kailangan din munang mag-register online at magpa-schedule sa kanilang website.

May matatanggap umanong text message na nagsasabi kung pasok sa drive-thru vaccination.

Dahil nasa loob naman umano ng sasakyan, nabatid na hindi lang isang tao ang pwedeng magpabakuna.

Maaari umanong apat na tao ang magpabakuna dito sakay ng isang sasakyan basta’t rehistradong lahat ang mga ito samanilacovid19vaccine.phwebsite ng Manila City government at kahit isa lang sa kanila ang naka-schedule.

Kahit naman hindi taga-Maynila ay maaari rin umanong mag-register at sumama sa drive-thru vaccination.

Nabatid na may 400 doses ng bakuna ang inilaan ng lokal na pamahalaan para sa unang araw ng naturang vaccination site nitong Sabado.

Samantala, bukod sa drive-thru vaccination,may first dose vaccination din sa University of Santo Tomas (UST) nitong Sabado na may 2,500 doses, at second dose vaccination naman sa ibang piling mga paaralan at mall sa lungsod.

Mary Ann Santiago

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...