BENGUET - Tatlong drug personalities, kabilang ang isang menor de edad ang naaresto matapos mahulihan ng₱2.4 milyonghalaga ng marijuana sa ikinasang buy-bust operation saRockshed, Poblacion, Marcos Highway, Tuba, nitong Miyerkules.
Kinilala ni Police Regional Office-Cordillera Director Ronald Oliver Lee, ang mga nadakip na sina Laista Ligawen Pedro, 20; Jimmer Sawasi Bedkingan, 27, kapwa magsasaka, at taga-Busok, Poblacion, Atok, Benguet at isang 17 taong gulang na lalaking taga Sob-ong, Ambassador, Tublay ng naturang lalawigan.
Sinabi ni Lee, nakipag-coordinate sa kanila ang Philippine Drug Enforcement Agency(PDEA)-Region 3 at Nueva Ecija Police Provincial Office kaugnay ng ka-transaksyon nilang tatlong suspek na magbebenta ng marijuana.
Nakumpiska sa mga suspek ang 20 kilos ng pinatuyong dahon ng marijuana na nagkakahalaga ng P2,400,000.00.
Nasamsam din sa kanila ang buy-bust money at boodle money, kabilang ang isang tatlong cellphone at Tamaraw FX na may plakang UUW 204.
14-anyos na skater, todas sa bangga ng nakatulog umanong jeepney driver!
Nahaharap ang mga ito sa kasong paglabag sa Comprehensive Dangerous Drugs Act of 2002.
Zaldy Comanda
