De Lima, salungat sa 'pro-life' remark ni SP Cayetano sa war on drugs-Balita

De Lima, salungat sa 'pro-life' remark ni SP Cayetano sa war on drugs

By Vincent Gutierrez

May 25, 2026

Hindi sang-ayon si Mamamayang Liberal (ML) Party-list Rep. Atty. Leila de Lima sa “pro-life remark” ni Senate President (SP) Alan Peter Cayetano kaugnay sa madugong war on drugs sa administrasyon ni dating Pangulong Rodrigo Duterte.

Batay kasi sa pahayag ni SP Cayetano, “pro-life” umano ang kampanyang drug war ni FPRRD sapagkat pumapatay umano ang droga.

“Ang campaign against drugs is a human rights campaign—it’s a pro-life campaign dahil pumapatay ang drugs…at kung titingnan n’yo ang statistics, grabe talaga,” saad ni SP Cayetano sa kaniyang Facebook live kamakailan.

MAKI-BALITA: Drug war ni FPRRD, isang 'pro-life campaign'—SP Cayetano-Balita

Buwelta ni Rep. De Lima, hindi raw kailanman pro-life ang pagpatay sa libo-libong mga Pilipino.

“HINDI KAILANMAN MAGIGING PRO-LIFE AT PARA SA KARAPATANG-PANTAO ANG PAGPATAY NG LIBO-LIBONG PILIPINO, LALO NA NG MGA INOSENTENG BATA,” matapang na inihayag ni Rep. De Lima sa kaniyang Facebook post noong Linggo, Mayo 24.

Samantala, tinawag namang “downright discomforting” at “breathtakingly stupid” ni human rights lawyer at assistant to counsel sa International Criminal Court (ICC) Atty. Kristina Conti ang pagiging “insensitive” ng senate president.

“Senate President Alan Peter Cayetano insults the kin of the dead, the jailed, and the persecuted in defending the ‘war on drugs’ during an era of reckoning not only by Filipinos, but by all of humanity,” saad ni Atty. Conti sa kaniyang X post noong Linggo, Mayo 24.

Giit niya, “His insensitivity, his brazen disinformation about the ICC and the case against Duterte, and his absolute pandering to the Duterte family is downright discomforting as well as breathtakingly stupid.”

MAKI-BALITA: Depensa ni SP Cayetano sa FPRRD drug war, insulto sa mga namatay, nakulong na biktima—Atty. Conti-Balita

Pinuna rin ni Kalookan Bishop Cardinal Pablo “Ambo” Virgilio David ang naturang pahayag ni SP Cayetano.

“They can constitute ‘instigation’ or ‘aiding and abetting’ crimes against humanity under Article 25 of the Rome Statute, when such words provide moral support that emboldens perpetrators and grants them a sense of impunity,” saad ni Cardinal Ambo sa kaniya namang Facebook post noon ding Linggo, Mayo 24.

MAKI-BALITA: Cardinal Ambo, pinuna pagdepensa ni SP Cayetano sa giyera kontra droga-Balita

‘Malaking insulto!’ Grupo ng mga alkalde, sinita pagliban ni Dela Rosa sa Senado

Binira ng grupong Mayors for Good Governance (MGG) ang pagsipot sa Senado ni Sen. Ronald “Bato” dela Rosa kamakailan matapos nitong lumiban nang kalahating taon dahil sa napipintong pag-aresto. Kinumpirma na ng International Criminal Court (ICC) na opisyal ang warrant of arrest na kumakalat sa media noon pang Nobyembre 2025. Maki-Balita: 'Legit!' ICC, kinumpirma arrest warrant laban...

Focus crime rate sa bansa, bumaba ng 16% –PNP

Ipinagmamalaking inanunsyo ng Philippine National Police (PNP) ang 16% pagbaba ng focus crimes sa buong bansa sa unang 43 araw ng implementasyon nila ng “Safer Cities Initiatives.” Sa flag raising ceremony ng PNP nitong umaga ng Lunes, Mayo 25, ibinahagi ni PNP Chief Jose Melencio Nartatez, Jr., na mula sa 4,400 insidente ng focus crimes noong Pebrero 22 hanggang Abril 5, bumaba ng 3,800 ang...

Akbayan, suportado pagkapangulo ni Sen. Risa sa 2028

Tuluyan nang sinemento ng Akbayan ang kanilang suporta sa kandidatura ni Sen. Risa Hontiveros sa pagkapangulo sa 2028 elections. Sa latest Facebook post ng Akbayan nitong Lunes, Mayo 25, sinabi nilang kinikilala umano nila ang lumalakas na panawagan para sa pagkandidato ni Sen. Risa. “Bilang kaniyang partido, kasama ang mga kaalyadong social movements, sectoral groups, at local and national...