Isa nang opisyal ng Army reserve force si Department of Public Works and Highways (DPWH)-Build, Build, Build Committee Chairperson Anna Mae Lamentillo.
Ikinabit ng Philippine Army (PA) kay Lamentillo ang ranggong Army reserve 1st Lt. nitong Lunes, Hunyo 7, matapos itong aprubahan ni Pangulong Rodrigo Duterte.
Pinangunahan ni Army Chief Andres Centino ang seremonya na dinaluhan nina DPWH Secretary Mark Villar, Brig. Gen. John Dominic Pulido at Col. Francis Sibal.
9-anyos na bata, patay matapos makuryente ng tinatayang 20 minuto
Ibinahagi ni Lamentillo sa kanyang Instagram account ang mga naging personal na karanasan na naging susi para makamit ang karangalan.
“In 2017, we went back to Marawi to commence with the rehabilitation plan. Few meters from where we were, there was an active shootout. We saw smoke in one of the buildings. It was my first time to see war up close,” kuwento ni Lamentillo.
“I have so much respect for our soldiers. These are the guys who risk their lives just so most of us could sleep at night. Now, I’m part of the Philippine Army,” aniya.
Si Lamentillo ay isa ring kolumnista ng Manila Bulletin kung saan nagsusulat siya tungkol sa mga proyektong imprastraktura ng gobyerno sa ilalim ng Build, Build, Build program.
Betheena Unite
