Castro sa pa-bloodbath ni VP Sara: 'Magiging madugo talaga ‘to kung hindi makikita ng taumbayan ang katotohanan'-Balita

Castro sa pa-bloodbath ni VP Sara: 'Magiging madugo talaga ‘to kung hindi makikita ng taumbayan ang katotohanan'

By Vincent Gutierrez

July 08, 2026

In BALITA

Idiniin ni Palace Press Officer at Presidential Communications Office (PCO) Undersecretary Atty. Claire Castro na magiging madugo talaga kung hindi raw makikita ng sambayanan ang katotohanan, sa gitna ng impeachment trial na kinahaharap ni Vice President Sara Duterte sa Senado.

Kaugnay ito sa maiksing pahayag na ibinahagi ni VP Sara nang siya ay tumungo sa Senado noong Martes, Hulyo 7; hindi para dumalo sa impeachment trial, bagkus para suportahan ang kaniyang defense team.

“In this bloodbath and bludgeoning, I will be bloodied but unbowed,” saad ni VP Sara.

Sa ikinasang press briefing ng PCO nitong Miyerkules, Hulyo 8, iginiit naman ni Usec. Castro na hindi nila mapipigilan ang bise presidente kaugnay sa opinyon nito patungkol sa paglilitis.

“Kung ‘yon po ang kaniyang iniisip at kaniyang opinyon ay hindi naman natin siya mapapahinto sa kaniyang pagsasalita patungkol dito,” ani Usec. Castro.

“Magiging madugo talaga ‘to kung hindi makikita ng taumbayan ang katotohanan; at ‘yan naman ang hinahanap ng ating mga kababayan—malaman ano ba talaga ang mga katotohanan sa mga ibinabato sa kaniya,” dagdag pa niya.

Sa parehong press briefing, tila nagpahayag ng tuwa ang press officer kasunod ang “bloodbath” at “bludgeoning” remark ng Pangalawang Pangulo.

Aniya, may naging basehan si VP Sara sa kaniyang mga tinuran.

“Nadinig po natin ang kaniyang binanggit; at sa ating palagay, marami rin namang natuwa na siya ay pumunta sa Senado at nabanggit ang kaniyang mga kataga dahil sa—’di natin alam kung sa unang pagkakataon ba ‘to—ay nagkaroon siya ng basehan sa kaniyang sinabi,” saad ni Usec. Castro.

Aniya, “Ating nadinig at napanood noong sinabi niyang ‘in this bloodbath, in this bludgeoning, I will be blooded but unbowed.’ So, mayroon siyang naging basehan.”

“So, ikinatuwa natin na sa ngayon ay may nagiging basehan na si bise presidente ng kaniyang mga sinasabi,” dagdag pa niya.

MAKI-BALITA: Usec. Castro, ikinatuwang may basehan pahayag ni VP Sara na hango sa tulang 'Invictus'-Balita

Hango ang naging pahayag ng bise presidente sa tulang “Invictus” ng English poet na si William Ernest Henley—na pinaniniwalaang isa umano sa pinakapaboritong tula ng kaniyang amang si dating Pangulong Rodrigo Duterte.

MAKI-BALITA: 'Bloodied but unbowed' ni VP Sara, hango sa paboritong tula ni FPRRD-Balita

Pansamantalang pagbabago sa traffic sa NAIA 3, epektibo simula Hulyo 15

Inabiso ng pamunuang Ninoy Aquino International Airport (NAIA) na magkakaroon mga pansamantalang pagbabago sa daloy ng trapik sa kanilang Terminal 3 simula sa Hulyo 15 hanggang Agosto 14. Saad pa sa pahayag ng NAIA nitong Linggo, Hulyo 12, ang mga pagbabagong ito ay dahil sa isasaayos na departure curbside sa Terminal 3, na sasamahan ng pagtatayo ng bagong canopy o tabing upang maging silungan...

Magsasakang senior citizen, patay sa landslide

Isang 68-anyos na magsasaka ang nasawi matapos matabunan ng gumuhong lupa sa Barangay Nagba, Tubungan, Iloilo nitong madaling araw ng Linggo, Hulyo 12, 2026. Kinilala ng mga awtoridad ang nasawing residente na si alyas, “Placido” na natutulog umano sa loob ng kaniyang bahay nang mangyari ang insidente. Agad na nagsagawa ng retrieval operation ang mga responder upang mahanap at mailabas ang...

Culiat Bridge sa QC, pansamantalang isinara; pagbagal ng trapiko, babala ng QC LGU

Inanunsyo ng Quezon City local government unit (LGU) ang pagkakaroon ng pagbagal sa daloy ng trapiko sa kahabaan ng Congressional Ave., dahil sa pansamantalang pagsasara ng Culiat Bridge kasunod ng naganap na sunog dito noong gabi ng Sabado, Hulyo 11. Batay pa sa abiso ng Quezon City LGU nitong Linggo, Hulyo 12, mananatiling sarado ang Culiat Bridge habang umaandar ang structural inspection dito...