Nakapagtala pa ang Department of Health (DOH) ng 6,955 bagong kaso ng coronavirus disease 2019 (COVID-19) sa bansa.
Sa case bulletin ng DOH, umakyat na sa 1,262,273 ang kabuuang kaso ng COVID-19 na naitala sa Pilipinas.
Gayunman, sa bilang na ito, 59,543 na lamang ang aktibong kaso, kasama ang 93.5% na mild cases, 2.4% na asymptomatic, 1.3% critical, 1.7% severe at 1.16% na moderate.
Mayroon namang 8,109 na naitala na bagong gumaling mula sa virus, sanhi upang umabot na sa 1,180,998 ang kabuuang bilang ng COVID-19 recoveries sa bansa, na 93.6% ng kabuuang kaso ng sakit.
Batikang journalist binaril sa loob ng bahay sa Aklan, patay!
Kaugnay nito, naitala rin ng DOH ang 195 bagong nasawi kaya’t umakyat na sa 21,732 ang kabuuang bilang ng mga nasawi sa bansa dahil sa COVID-19 o 1.72% ng kabuuang kaso.
Mary Ann Santiago
