ni MARY ANN SANTIAGO
Magandang balita dahil isang mananaya mula sa Quezon province ang nakapag-uwi ng P24-milyong jackpot nang magwagi sa Super Lotto 6/49 na binola ng Philippine Charity Sweepstakes Office (PCSO) nitong Huwebes ng gabi.
Ayon kay PCSO General Manager Royina Garma, nahulaan ng lucky bettor ang winning combination na 12-05-30-10-28-27 na may katapat na jackpot prize na P24,438,458.20.
Nabili aniya ng mananaya ang kanyang lucky ticket sa Lucban, Quezon.
