ni Betheena Unite
May bagong pangulo na ang Pilipinas sa panahon na makabalik ito sa estado ng employment bago mangyari ang pandemya.
Sinabi ni Department of Labor and Employment (DOLE Assistant Secretary Dominique Rubia Tutay na sa inaasahang pagbawi ng ekonomiya ng bansa sa unang bahagi ng 2023, ang estado ng lokal na trabaho bago ang pandemya ay malamang na mabawi rin sa loob ng parehong timeline.
“We are not seeing this na fully recovered na po tayo by this year, but I would say that it’s gonna be a better year than in 2020,” sinabi ni Tutay sa televised briefing.
Mag-inang Aguilar, mamumuno sa Las Pinas; Sen. Cynthia Villar, talo sa pagka-kongresista
“Siguro po, hopefully we go back to our pre-pandemic stage, early 2023 hopefully po or sana next year. But not even probably next year. So we are looking at the three year period po for us to be able to go back to the pre-pandemic stage,” dagdag ng opisyal. Ang Philippine Statistics Authority (PSA) ay nag-ulat ng 17.7 porsyento na antas ng pagkawala ng trabaho para sa second quarter ng 2020 - halos isang 400 porsyento na pagtaas mula sa 5.1 porsyento ng unemployment rate sa parehong quarter noong nakaraang taon. Katumbas ito ng 7.3 milyon na mga Pilipino na walang trabaho. Tatapusin ni Pangulong Rodrigo Duterte ang kanyang anim na taong panunungkulan sa Malacañang sa Hunyo 2022. Naglunsad ang Labor departament kasama ang iba pang iba’t ibang mga ahensya ng National Employment Recovery Strategy (NERS) Task Force noong Peb. 5 upang palakasin ang employment recovery plan sa bansa.
Sa ilalim ng NERS Action Plan, hinahangad ng gobyerno na makabuo ng 2.4 hanggang 2.8 milyong mga bagong trabaho ngayong 2021. “That’s actually the target but I know this is a very difficult target considering that we’re still in a pandemic stage,” sinabi ni Tutay. Sinabi ni Department of Trade and Industry (DTI) Secretary Ramon Lopez noong Peb. 9 na habang ang bansa ay “improving” at patuloy na nakakabangon mula sa mga epekto ng coronavirus disease (COVID-19), malayo pa rin tayo sa pre-COVID na ekonomiya.
