MARAMI ang sumusubaybay sa The Lost Recipe, ang fantasy-romance series ng GMA Network na napapanood sa GMA News at tampok ang love team nina Mikee Quintos at Kelvin Miranda.

Patunay na maraming viewers ang TLR, nagti-trending ito gabi-gabi at buod ng kuwentuhan ng netizens. Ayon pa sa balita, ang The Lost Recipe ang highest rating show sa GMA News TV at karamihan sa kanila kinilig habang pinapanood ang TLR.

Naikumpara nga sa adobo na hindi natin pinagsasawaang kainin ang The Lost Recipe na inaabangan lagi ang airing at sinusubaybayan para malaman ang mangyayari sa mga karakter nina Apple at Harvey na ginagampanan nina Mikee at Kelvin respectively.

Relasyon at Hiwalayan

Chloe punumpuno ang puso dahil kay Carlos, inurirat kung kailan papakasal

May mga request na nga na sana ipalabas din sa GMA-7 ang The Lost Recipe at may mga nagtatanong kung bakit hindi sa GMA-7 umeere ang series? May mga request din ng recap sa pilot week, pero nasa second week na ang airing nito, hindi na siguro mapagbibigyan ang mga request.

Masayang-masaya sina Mikee at Kelvin na nagustuhan ang tambalan nilang dalawa at nagustuhan ang kakaibang concept ng The Lost Recipe na tungkol sa nawalang recipe ng adobo. Idagdag pa ang mahusay na direction ni Monti Parungao at ang magandang cinematograpy at kasamang cast nina Kelvin at Mikee.