Sa Wednesday, January 27, ang 60th birthday celebration ni Wowowin host Willie Revillame kaya naman bongga ang mga inihanda niyang papremyo sa kanyang programa.
Mamimigay siya ng maraming cash prizes at isang brand new house and lot bilang pasasalamat sa lahat ng Kapuso viewers na patuloy na tumatangkilik sa kaniyang programa.
Nagsimula na ang ‘Pera o Kahon Text Promo,’ na ang mga gustong sumali ay kailangan lamang mag-register ng isang beses sa pamamagitan ng text. Matapos magparehistro, magpadala lamang ng pagbati para kay Kuya Wil sa 8933. Ang bawat birthday greeting ay katumbas ng isang entry para sa electronic raffle na gaganapin sa mismong kaarawan ni Kuya Wil. Sa araw na iyon din magtatapos ang Pera o Kahon Text Promo.
Napapanood ang Wowowin Mondays to Fridays, 5:00– 6:30PM sa GMA-7.
