NAKABALIK na pala si Ellen Adarna sa bahay ni Derek Ramsay after ng pa-dinner ni Derek sa mga kapitbahay niyang sina Ellen at Ruffa Gutierrez. Nabuking ng TV5 journalist na si MJ Marfori ang presence ni Ellen sa bahay ni Derek nang interbyuhin niya ang aktres para sa promo ng John en Ellen, ang sitcom nina Ellen at John Estrada sa TV5 na pilot na sa January 24.
May Zoom interview si MJ kina Ellen at John at ilang staff ng sitcom at napansin niyang pamilyar ang background kung nasaan si Ellen. In fact, nakita rin sa camera si Derek.
Post ni MJ: “JOHN EN ELLEN EN DEREL on air sa Totoo Lang. Super fun special episode tonight during @ john_estrada & @marian.elena. adarna’s promo! Familiar kasi yung background ni Ellen! Haha yung napakagandang bahay ni @ramsayderek07!! Thanks sa instant guesting as well.”
'Sexy pero classy!' Janine Gutierrez, calendar girl na rin
Sabi ng netizens, hihintayin na lang nila na umamin sina Ellen at Derek na sila na nga at kung kailan mangyayari ‘yun, sigurado silang hindi magtatagal. Compatible raw kasi sina Derek at Ellen sa lahat ng aspekto.
-Nitz Miralles
