Apat na drug personalities, kabilang ang isang 15-anyos na binatilyo, ang naaresto ng Pasay City Police at makumpiskahan ng P220,864 halaga ng hinihinalang shabu sa buy-bust operation, kahapon ng madaling araw.
Kinilala ang mga suspek na sina Roberto Rogel, alyas Burnok, 19; Vincent Angeles, alyas Vicente, 21; at Joselito San Juan, alyas Buda, 56, lahat ng Barangay 61, Zone 8, Pasay City; at alyas JB, 15.
Sa ulat ni SSg Rootch B Miranda,may hawak ng kaso, nagkasa ng buy-bust operation ang mga tauhan ng Station Drug Enforcement Unit sa pangunguna ni Capt. Cecilo Tomas Jr. laban kay alyas Burnok sa No.1001 F. Victor Tramo, Bgy. 61, Zone 8, sa Pasay City, na ikinaaresto ng mga suspek dakong 1:30 ng madaling araw kahapon.
Nasamsam ang limang pakete ng shabu na may timbang na 32.48 gramo.
