SA latest vlog ni Vice Ganda nitong Enero 6 na may title na “NOCHE BUENA SA HOUSE OF GANDA,” ibinahagi nito ang kanilang naging Noche Buena kasama ang kanyang family at mga kaibigan sa magarbong bagong bahay.
Bahagi rin ng video ang pagbibigay ni Vice ng mga regalo sa kanyang mga mahal sa buhay.
Mamahaling mga regalo ang ibinigay ng komedyante sa kanyang mga kaibigan.
Kamukha ni Chucky? Lena, pang-Halloween pagmumukha
Si Ryan Bang, na kilalang anak-anakan ni Vice ay nasurpresa sa regalo na Gucci toiletry bag. Habang branded clothing at hand bags naman ang natanggap ng dalawang assistant ni Vice.
Siyempre mawawala baa ng para kay Ion. Tumanggap ang bf ni Vice ng isang Saint Laurent gym bag.
Natawa naman kami nang magbiro si Vice sa kanyang mama Rosario Viceral nang pabuksan nito ang regalo na isang box ng tissue na tinanggap naman ng ina niya. Pero ang totoong regalo ni Vice sa kanyang ina ay ang rolex watch.
Hindi naman napigilan ni Vice na maging emosyonal nang siya naman ang makatanggap ng regalo mula sa kanyang pamilya.
Regalo kay Vice ng kanyang ina ang isang bed sheets habang nasupresa naman si Vice sa box na naglalaman ng silk pajamas mula sa kanyang mga kapatid.
“Naiiyak ako. Sa ilang Pasko na pinagdaanan, ngayon lang nila ako niregaluhan. Naiiyak ako talaga. Kung kelan pandemya may panregalo kayo sa akin ah. Naiyak ako talaga,” pahayag ni Vice.
-ADOR V. SALUTA
