KABILANG sina US-based Grandmaster Mark Paragua at Rogelio "Banjo" Barenilla Jr., gayundin si PH first Women GM Janelle Mae Frayna sa de kalibreng player na sasabak sa GM Rosendo Carreon Balinas Jr. Free Registration Online Chess Tournament (Open division) sa December 27 sa lichess.org.
Ang New York-based na si Paragua na nagwagi sa lahat ng Balinas online chess event sa panahon ng global pandemic crisis, at ang Arizona-based na si Barcenilla, at maging si Frayna ang higit na nagpaningning sa torneo na isinagawa bilang pagbibigay pugay kay GM Rosendo Carreon Balinas Jr.
Matutunghayan din sa prestigious event na may total cash prize P75,000 sina GMs Rogelio "Joey" Antonio Jr. , Darwin Laylo, Oliver Barbosa at Roland Salvador.
Angelica Yulo, ibinida training ng mga anak sa Japan
Si Frayna na highest-rated female player sa tournament na may guaranteed top prize P10,000 sa event na sinuportahan ng GM Rosendo Balinas Family sa pakikipagtulungan ni Mr. Fernan Donguines ng Hybreed Apparel Collections.
Lalahok din sina Fide Masters Sander Severino, Jesse Noel Sales, Randy Segarra, Narquingden Reyes, Roel Abelgas, Christopher Castellano, Deniel Causo at Jony Habla.
