Mobile payment’, isasagawa ng PRCI sa Santa Ana Park-Balita

Mobile payment’, isasagawa ng PRCI sa Santa Ana Park

BILANG karagdagang programa para matugunan ang ‘health and safety’ protocol na ipinatutupad ng pamahalaan, inilunsad ng Philippine Racing Club, Inc. ang mobile payment platform para sa mabilis at ligtas na pakikiisa ng bayang karerista sa lahat ng karera sa Santa Ana Park.

Ikinatuwa ni PRCI Executive Vice President at COO Santiago Cualoping III ang magiflang pagtanggap ng bayang karerista sa inilunsad na Mobile Offtrack Betting Facility (MOTB) nitong Miyerkoles (Oct. 28) kung saan umabot sa 1,000 ang kumuha ng kanilang mga accounts sa loob lamang ng ilang oras.

“The MOTB replaces the traditional United Tote system,” pahayag ni Cualoping.

Tunay na kaginhawaan ang sistema kung saan magagawang makilahok sa programa ng PRCI at makukuha ang tinamaan na premyo sa pamamagitan ng bank transfer (BDO, Union Bank) at G-cash.

Iginiit ni Cualoping na maraming pamamaraang teknikal mula sa modernong Sistema ang kanilang pinag-aralan, subalit mas pinili nila ang MOTB dahil matutugunan nito ang pangangailangan ng industriya matapos ipahayag ng Philippine Racing Commission (Philracom) ang paglimita sa mga mananaya sa off-track betting stations.

Aniya, ang PRCI’s mobile betting platform ay aprubado ng dalawang ahensiya ng pamahalaan na nangangasiwa sa industriya ng karera sa bansa – ang Philracom (regulation) at Games and Amusements Board (GAB) (betting).

Nitong Oktubre 28, sa sulat ni GAB Chairman Abraham Mitra sa PRCI, pinayagan ng GAB Board ang naturang mobile betting platform para sa forecast, trifecta, quartet, Daily Double Plus One, Pick 4, Pick 5, Pick 6, at Winner Take All pools.

Katuwang ng 83-year old racetrack company ang Bizooku Philippines, Inc. para makuha ang serbisyo ng NorthAlley India Pvt. Ltd., — isang ISO-certified firm – para sa pagbuo ng ‘application’s creation and support’ gamit ang makabagong teknolohiya, kabilang ang ‘cloud computing and blockchain’.

Kumpiyansa si Cualoping na matutugunan ng MOTN system ang pangangailangan ng PRCI, higit sa katotohanan na pitong racing club sa India ang nago-operate gamit ang NorthAlley’s totalizator mula noong 2017.

“We need to disrupt the industry by injecting new technology,” pahayag ni Cualoping.

Para sa bayang karerista, maaring makapagrehistro para sa MOTB sa motb.prci.com.ph at sundan ang PRCI report sa Facebook para sa karagdagang detalye.

Sec. Dizon, tiniyak maiibsan lagpas-taong baha sa Araneta, QC bago ang tag-ulan

Tiniyak ni Department of Public Works and Highways (DPWH) Sec. Vince Dizon na mababawasan o mawawala na ang pagbabaha sa Araneta, Quezon City, dahil sa madalian nilang pagsasaayos ng drainage rito bilang paghahanda sa darating na tag-ulan. “Ito ‘yong isa sa mga pinakagrabeng nagbabaha, hindi lang sa Quezon City, [kung hindi] sa Metro Manila. Kinukwento ng mga kababayan natin, lagpas-tao dito,...

CPJ kinondena hatol na 'guilty' kay Frenchie Mae Cumpio

Sinita ng Committee to Protect Journalists (CPJ) ang hatol na “guilty” sa community journalist na si Frenchie Mae Cumpio.Kaugnay ito sa “guilty verdict” na ipinataw kay Cumpio at sa dating roommate nitong si Mariel Domequil, para sa kasong “terrorism financing” ng Tacloban court, Regional Trial Court (RTC) Branch 45, nitong Huwebes, Enero 22.Ayon sa pahayag ng CPJ nito ring Huwebes,...

Pinakamatandang 'drawing sa kuweba,' natagpuan sa Indonesia

Natuklasan ng ilang archeologists na ang mga handprint na naka-stencil sa mga limestone cave sa isla ng Muna sa Indonesia ay maaaring may edad na hanggang 67,800 taon, na itinuturing na pinakamatandang cave painting na kilala sa buong mundo.Ayon sa mga siyentipiko, ang mga guhit ay ginawa sa pamamagitan ng pagbuga ng pigment sa ibabaw ng kamay na idinikit sa pader ng kuweba, na nag-iwan ng malinaw...