Dalawang komite ng Kamara na nag-iimbestiga sa umano’y korapsiyon sa Philippine Health Insurance Corp. (PhilHealth) ang nagrekomenda na kasuhan ng administratibo at kriminal si Health Secretary Francisco Duque III, ilang Cabinet officials na nakaupo sa PhilHealth board, at senior officials ng kompanya.
Ang 65-pahinang draft report ng House committee on public accounts at House committee on good government and public accountability na naglalaman ng impormasyon, ay nag-leak sa Facebook nitong Martes.
Sa nasabing report, tinalakay ang mga iregularidad sa PhilHealth na inimbestigahan din ng Senado at ng Department of Justice (DOJ) gaya ng: “incorrect case rates, misuse of the interim reimbursement mechanism (IRM), overpricing an information technology project, disadvantageous settlement of cases.”
“Seemingly same with the draft report,” pahayag naman ni Anakalusugan Rep. Michael Defensor, chairman ng House committee on public accounts, na ang tinutukoy ay ang leaked copy sa social media.
Manny Pacquiao, binati mga nangunang senador: ‘Nawa’y maging tapat ang inyong paglilingkod’
Hindi aniya nito binasa ang nakalagay sa Facebook nang pahina por pahina. Inaasahan niya umano ang pag-leak nito, at nagbabala siya kay Majority Leader Martin Romualdez tungkol dito. “We have more or less 80 people in the combined membership of the two committees”.
-BERT DE GUZMAN
