Kinumpirma ng Ateneo de Manila University (AdMU) nitong Huwebes, Hunyo 25, na nadala na sa Nigeria ang mga labi ng pumanaw na student-athlete na si Divine Adili.
Matatandaang nasawi si Adili dahil sa pagkalunod, kasama ang kaniyang kapwa student-athlete na si Rene Baterbonia sa ginanap umanong team-building activity sa Dipaculao, Aurora noong Hunyo 8.
Sa Facebook post na ibinahagi ng AdMU, sinabi nilang nagpasalamat ang mga magulang ni Adili sa Ateneo community matapos ang pagtulong nito na madala ang mga labi ng nasawing student-athlete sa kanilang bansa.
“Our University representative, Fr Sigmund ‘Munching’ de Guzman SJ accompanied Divine throughout his journey home and later traveled to be with the Adili family as they received their son,” saad ng Ateneo sa kanilang post.
Ayon sa kanila, “Divine's parents expressed their heartfelt gratitude to the Ateneo community and to all who helped bring him home with dignity and care.”
Pinasalamatan naman ng unibersidad ang Nigerian Embassy in Manila, para sa “invaluable support” nito hinggil sa repatriation ni Adili.
NBI Dir. Matibag, nagpatutsadang malayo sa kahulugan acronym ng RAGE coalition
“As we continue to mourn the loss of Divine and Rene Clert ‘Bobet’ Baterbonia, we remain united in prayer for their families, teammates, and all who loved them,” saad pa ng AdMU.
Sa kaugnay na ulat, matatandaang nauna nang inilibing si Baterbonia sa Talacogon, Agusan del Sur noong Miyerkules, Hunyo 24.
