NAPANOOD namin ang video ng staff at talents ng Star Magic bilang suporta sa renewal ng franchise ng ABS-CBN. Ang kanta ni Yeng Constantino ang kinanta ng talents at staff para ipaalam ang kanilang suporta na kanilang network.

Napanood namin sa video sina Piolo Pascual, Sam Milby, Bea Alonzo, Enrique Gil, Maymay Entrata, Jona, KZ Tandingan, Pokwang, Dominic Ochoa, Elmo Magalona Sue Ramirez, Iñigo Pascual, Daniel Padilla, Erik Santos, Yeng, Shaina Magdayao, Nyoy Volante, Jericho Rosales at kasama rin sa video si Mr. Johnny Manahan.

Kasama sa video ang kuwento ng staff at crew ng ABS-CBN na matagal nang nagtatrabaho sa network. Ipinarating nila ang lungkot sakaling hindi maaprubahan ang franchise renewal ng Kapamilya Network dahil maaapektuhan ang hanapbuhay nila at ang kani-kanyang pamilya.

'TrilYULO:' Dennis, kumasa rin sa croptop challenge!

Sana nga, maging maganda ang resulta ng hearing kahapon tungkol sa franchise renewal ng ABS-CBN dahil marami talaga ang maaapektuhan kapag natigil ang operation at airing ng network.