USUNG-USO na sa mga celebrities ang magkaroon ng sarili nilang vlog. Isa nga si Kapamilya host-actor na si Robi Domingo. Para kay Robi, isang dream come true na na-interview niya ang Asia’s MultiMedia Star Alden Richards para sa kanyang vlog. Noon pa raw ay gusto na niyang ma-interview si Alden, na biniro pa niya na ang guwapo raw pala talaga ng Kapuso actor. Hindi nga lamang sinabi ni Robi kung saan niya na-interview si Alden pero masayang-masaya siya na hindi siya nabigong makausap ito dahil mabait at very accommodating ang actor.
Napanood nga at nag-viral sa YouTube channel #RobiDVlog ang interview at #KantoKatanungan ni Robi. Sa laro nila nanalo ng one hundred seventy pesos si Alden dahil nasagot niya ang tatlong questions ni Robi.
Nakatanggap ng mga positive comments ang vlog entry ni Robi dahil pwede raw palang mapagsama sa isang vlog ang mga Kapuso at Kapamilya stars. Nasa vlog din ni Robi na kausap niya ang isa pang Kapuso si Chef Boy Logro at dalawa ring Kapamilya stars, sina Joshua Garcia at Melai Cantiveros.
