Kinoronahan ang pambato ng Pilipinas na si Anne De Mesa bilang Miss Tourism Worldwide 2026 na ginanap sa Johor Bahru, Malaysia noong Sabado, Abril 25.
“I was just praying that God will give me what I deserve. And alam ko namang binigay ko ‘yong best ko tonight. I’m also thankful of course to everyone who voted, everyone who helped me throughout my pageant journey, my team of course. Thank you so much!” masayang saad ni Anne sa kauna-unahan niyang panayam bilang Miss Tourism Worldwide 2026, kay Missosology CEO Pawee Ventura.
“Ito na ‘yung crown, maiuuwi na sa Pilipinas, let’s go!” excited pang dagdag ni Anne.
Bukod sa kaniyang korona, nasungkit din ni Anne ang Best Evening Gown at Best National Costume.
Kinoronahan naman bilang 1st Runner-Up si Miss Cameroon, Kuma Ruth Ndain; bilang 2nd Runner-Up ay si Miss Estonia, Geili Meigas; bilang 3rd Runner-Up ay si Miss Belgium, Milana Roothooft; at bilang 4th Runner-Up ay si Miss Thailand, Khemjira Kusontipjaroen.
