PINADALHAN kami ng netizen ng litrato at video na nakapila sina Arjo Atayde at Maine Mendoza sa Disney California Adventure Park. Naka makapal na pink jacket ang dalaga at naka-rust hoodie with baseball cap naman ang aktor.

Ayon sa caption ng netizen, “mukhang pagod na rin po si Menggay… buong araw sila sa CA adventure. Mukhang nag-e-enjoy po ang Armaine kahit malayo.”

May isa pang litratong black and white na nakahawak si Maine sa kamay ni Arjo habang nagbabasa ng text messages dahil tunog ng tunog daw ang cellphone ng aktres.

'Sarap sa pakiramdam!' Kiray mahal na mahal, never niloko ng jowa

Ayon sa netizen na kumukuha, “ingay ng phone ko! Hindi ko po alam sinong sasagutin ko, pero you’re all welcome po dahil lab ko po kayong lahat. Before I hit the sack, eto pa po more ArMaine photos po, B&W po para real, at sorry po sa mga nabasag ko, sa totoo lang po tayo.”

Samantala, may mga naglabasan ng litrato sa online websites na may mga nakakilala kina Arjo at Maine sa nasabing lugar at nagpa-picture sila.

Nauna namang pinost ng aktor sa IG stories niya ang litrato ni Maine na may backpack at nakatalikod habang nasa isang cosmetic store.

Pansinin ang litrato ni Arjo sa kanyang IG account na naka-shades at makikita sa shadow kung sino ang kumuha sa kanya na may caption na, ‘Distracted, She’s cute’ at obviously, si Maine. Kaya sa mga nagsasabing edited ang mga litratong naglabasan na, paano ito ie-edit?

Sa hibangers bashers ay parehong nasa Amerika ang ArMaine at obviously kung pareho silang nandoon, e, ‘di magkasama sila, ‘di ba?

Wala lang kaming impormasyon pa kung sabay silang lumipad pa-Amerika o nagkita lang doon at kung sinu-sino ang mga kasama nila.

Ang alam kasi namin ay umalis ang aktor na nag-iisa noong Biyernes patungong Los Angeles, California kaya hindi siya nakapunta sa Luna Awards para personal na tanggapin ang Best Supporting Actor trophy niya.

Anyway, naka-private na ang account ng netizen na nagpadala sa amin at tila ayaw niyang ipaalam na sa kanya galing ang mga litrato.