ANG sipag nina Michael V., Dawn Zulueta at ibang cast ng Family History sa pagpo-promote ng pelikula na showing sa July 24. Kagagaling lang nila sa Cagayan de Oro City last Saturday para sa Masterclass Series ni Bitoy at sa mall show nila noong hapon sa mall.

Kahapon naman, may mall show sila sa Bulacan at may mga susunod pang mall shows dahil next week pa ang showing ng movie.

Sa premiere night ng Family History sa July 23 sa SM Megamall, mamimigay ang GMA Pictures at Mic Test Entertainment ng 10 free tickets. Sa mga gustong magkaroon ng free ticket, i-like ang GMA Pictures sa Facebook at i-post ang favorite quote n’yo from the movie mula sa official trailer. For more info, log on to GMA Pictures FB page.

'Sarap sa pakiramdam!' Kiray mahal na mahal, never niloko ng jowa

Samantala, nagpasalamat si Michael V. kay Joross Gamboa sa pagpo-promote ng Family History sa kanyang Instagram (IG). Sana ay tumulong din ang co-stars ni Bitoy sa Bubble Gang at Pepito Manaloto sa promo. Malay nila sa susunod na movie ng Mic Test Entertainment, kasama na sila sa cast.

Nabanggit kasi ni Michael V. na kapag kumita ang Family History at mabawi ang production cost, susundan niya agad ito ng isa pang pelikula.