Sagot ng LTFRB sa “transport holiday” ng mga TNVS sa Lunes: Tara, usap tayo.

Itinakda ng Land Transportation Franchising and Regulatory Board ang pakikipagdayalogo nito sa mga ride-sharing drivers at operators sa susunod na linggo upang pakinggan ang mga isyu ng sektor sa ahensiya.

Ito ang kinumpirma ngayong Biyernes ng LTFRB kasunod ng pagpapahayag ng Transport Network Vehicle Service (TNVS) Community, umbrella group ng mga TNVS drivers at operators sa bansa, ng plano nitong magkasa ng “transport holiday” sa Lunes, bilang protesta sa mga polisiya ng ahensiya.

Politics

Pulong, balak itapat ni VP Sara kay Romualdez sa House Speakership?

Itinakda sa Martes, Hulyo 9, ang dayalogo ng magkabilang panig kaugnay ng transport holiday na protesta ng mga TNVS drivers at operators sa proseso ng accreditation at sa mga regulasyon at requirements ng pamahalaan.

“The agency hopes that this platform will help enlighten both TNVS operators, transport network companies (TNCs) and all other stakeholders to understand that requirements and regulations are created and put in place for the safety of the commuting public, our most important stakeholder,” saad sa pahayag ng LTFRB.

Umapela rin si LTFRB Chairman Martin Delgra III sa nasabing sektor na pag-isipang mabuti kung itutuloy ang kanilang plano “in the interest of the riding public”.

“We urge them to bring their legitimate concerns to LTFRB, in dialogue, so that the Board can address them and not hold the riding public hostage by their planned disruptive action. The LTFRB welcomes constructive criticisms and feedbacks from all stakeholders,” ani Delgra.

Sinegundahan ni Delgra ang nauna nang apela ng Grab Philippines sa mga TNVS partners nito na resolbahin ang kanilang “pain points” sa pamamagitan ng dayalogo bago ituloy ang transport holiday.

Aabot sa 35,000 TNVS drivers at operators sa Metro Manila ang inaasahang makikibahagi sa transport holiday, o magsususpinde ng kani-kanilang operasyon simula 6:00 ng umaga hanggang 6:00 ng gabi.