BUKAS na ang premiere airing ng unang soap opera ni Derek Ramsay bilang Kapuso titled The Better Woman katambal si Andrea Torres.

Maingay ang paglipat ni Derek sa GMA-7 pagkagaling sa TV5 dahil marami ang nag-akala na babalik siya sa ABS-CBN.

Pagkaraan ng ilang buwang balita na gumagawa siya ng bagong TV series, tapos na ang pag-aabang ng fans sa pagbabalik ng hunk actor sa primetime TV.

Blind Item

Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

“I’m really excited for this project,” sabi ni Derek. “Hope all the Kapuso viewers will enjoy our show. It’s been really tough doing it but it’s definitely worth it.”

Gaganap siya sa The Better Woman bilang si Andrew, surf resort owner sa La Union na happily married kay Jasmine (Andrea).

“Challenging at kakaiba ang role ko sa soap,” sabi ni Andrea. “But I’m grateful na si Derek ang ka-partner ko dahil magaan siyang katrabaho at mabilis kaming naging kumportable sa isa’t isa.”

Masaya ang buhay ng young married couple na naninirahan mismo sa resort, hanggang sa dumating si Jasmine alias Ellaine (Andrea uli) na long-lost twin sister ni Jasmine.

Exotic pole dancer si Juliet/ Ellaine na ipinamigay ng inang si Erlinda (Jaclyn Jose). Nang muling matunton ang tunay na pamilya at tumira sa twin sister, nagkaroon si Juliet/Ellaine ng forbidden affair kay Andrew na itinago nila kay Jasmine.

Ang tema ng telebabad drama, para sa karakter ni Derek, sino ang matatawag niyang better woman -- ang prim and proper na si Jasmine o ang mapanuksong si Juliet/ Ellaine?

Sa tunay na buhay, ang sagot ni Derek nang humarap sa reporters sa media conference last Thursday, ang better woman ay, “Not somebody who’s perfect. It’s not somebody who has all the physical looks. It’s how that woman makes you feel, if you’re a better man because of her”.

Kabituin nina Derek, Andrea at Jacklyn sa The Better Woman sina Ina Feleo bilang si Angela de Villa Castro, single mom na younger sister ni Andrew, Marco Alcaraz as Glenn Santiago na business partner ni Andrew, Ashley Rivera as Chesi Rodriguez na kaibigan at housemate ni Juliet, Paolo Paraiso as surfer na si Joross Baltazar, close friend ni Andrew na may lihim na pagtingin kay Juliet, at Francis Makil as Amy Santos na nakakaalam ng mga lihim ng pinsan na si Erlinda.

The show’s creative team is composed of creative director Aloy Adlawan; creative head Suzette Doctolero; creative consultant Agnes Uligan; concept creator and headwriter Angeli Delgado; writers Ana Aleta Nadela, Loi Argel Nova, Erwin Bravo; and brainstormer Rodney Junio.

Si Mark Sicat dela Cruz ang kanilang direktor.