Upos ng sigarilyo sa basurahan ang sinasabing pinagmulan ng apoy na tumupok sa pitong tahanan sa Malate, Manila, nitong Lunes ng gabi.
Sa ulat ng Manila Police District (MPD)-Malate Police Station 9 (PS-9), sumiklab ang apoy sa Kalayaan Street sa Leveriza, Malate, at nilamon ang mga bahay na pawang gawa sa light materials, dakong 8:45 ng gabi.
Ayon kay Fire Insp. Lowie Puno, ng Intramuros Fire Station, nahirapan silang apulahin ang apoy dahil masikip ang daan sa lugar.
Pagsapit ng 11:18 ng gabi, naapula ang apoy at walang iniulat na nasugatan sa insidente.
Probinsya
Sarangani Island sa Davao Occidental, niyanig ng magnitude 5.9 na lindol!
Aabot sa P60,000 ang halaga ng mga natupok.
-Mary Ann Santiago
