UMUSAD sa win column ang McDavid  nang gapiin ang Family Mart-Enderun, 73-68, nitong Lunes sa 2019 PBA D-League sa JCSGO Gym sa Cubao.

Nanguna si Michole Sorela sa naiskor na 22 puntos, tampok ang 19 sa first half kung saan naitarak ng McDavid  ang 52-36 halftime lead.

Kumana rin sina Jerwin Gaco sa natipang 10 puntos sa krusyal na sandal.

"Na-manage lang namin yung halfcourt defense namin. After a missed shot, nagkakaroon sila ng run pero in spite of it, pumunta ako kay Jerwin sa loob. Sabi ko sa kanya, 'Pare, barakuhin mo na sa loob,' at yun ang nangyari," pahayag ni  Allen Ricardo.

Bumida sa Titans si Valandre Chauca sa nakopong 17 puntos, 10 assists, at pitong  rebounds.

Dating PBA player na sapilitang nanghalik ng babae sa bar, himas-rehas!

Nauna rito, ginapi ng Centro Escolar University ang CD14 Designs-Trinity University of Asia,  93-69.

Kumana si Maodo Malick Diouf ng 27 puntos, 16 rebounds at apat na blocks para pangunahana ng Scorpions sa paglatag ng 28 puntos na bentahe na hindi na nahaboil ng karibal.

Nag-ambag  si Jan Formento sa naiskor na 17 puntos mula sa bench.

"I was worried about my team because (CD14 Designs-Trinity was) winless and my team might just take them for granted," sambit ni coach Derrick Pumaren.

“That’s what I’ve been harping on them, they’re 0-4 and if they’re gonna get their first win, they have to get it on the other teams."

Tangan ng CEU ang 5-0 karta sa Foundation Group.

Hataw sina John Tayongtong at Gab Reyes sa White Stallions na may tig-11 puntos.

Iskor:

(Unang Laro)

MCDAVID (73) -- Sorela 22, Lozada 14, Diputado 12, Gaco 10, Canada 8, Arboleda 5, Colina 2, Melano 0, Caranguian 0, Monte 0.

FAMILY MART-ENDERUN (68) -- Chauca 17, Gotladera 16, Vidal 8, Gatdula 5, Presbitero 5, Nunez 4, Dungan 4, Dela Cruz 3, Tancioco 2, Sacundo 2, Mariano 2.

Quarters: 22-20, 52-36, 63-50, 73-68.

(Ikalawang Laro)

CEU 93 -- Diouf 27, Formento 17, Fuentes 13, Chan 13, Lisbo 7, David 6, Ke. Caballero 5, Uri 3, Diaz 2, Intic 0, Abastillas 0.

CD14 DESIGNS-TRINITY 69 -- Tayongtong 11, Reyes 11, Canete 9, Balucanag 8, Montero 6, Albarico 5, Dela Cruz 4, Juanico 4, Medina 3, Vitug 2, Juico 2, Ingel 2, Mabayo 2, Chua 0, Nidoy 0.