Mga Laro Ngayon

(Valenzuela City Astrodome)

4:00 n.h. -- Taguig vs Quezon City

5:30 n.h. -- Valenzuela vs Marikina

DINOMINA ng home team San Juan, Caloocan at baguhang Bacoor ang kani-kanilang mga katunggali sa pagbubukas ng 2019 Metro League Reinforced Second Conference nitong Linggo sa San Juan Gym.

'I really love you kuya!' Tapatang Pacquiao brothers, ekis mangyari!

Ginapi ng Bacoor Strike sa Serbisyo para sa buwena manong laro nila sa M-League ang Pasigueño, 81-58.

Nanguna si dating Far Eastern University slotman Prince Orizu sa itinala nitong 14 puntos at 8 rebounds sa loob lamang 20 minuto sa court.

Naiiwan pa sa first half, 33-41, naglatag ang Bacoor ng 22-10 run sa third quarter upang agawin ang kalamangan, 55-51 papasok sa final canto.

Mula roon, hindi na lumingon pa ang Cavite-based squad upang maangkin ang unang panalo sa 10-team M-League na suportado ng Metro Manila Development Authority (MMDA) at Philippine Basketball Association (PBA) kasama ang Barangay 143 bilang league presentor.

Nanguna naman ang mga dating San Beda players na sina Eugene Toba Okwuchukwu at Ryusei Koga para sa Pasigueños sa itinala nilang 20 at 12 puntos ayon sa pagkakasunod.

Sa ikalawang laro, ginulat ng Caloocan Supremos-Gerry’s Grill ang star-studded Manila-INGCO Stars, 120-102.

Apat na manlalaro ng Caloocan ang umiskor ng higit 20 puntos na kinabibilangan nina Johnnel Rey Bauzon(24), McArthur Enriquez (23), Kristoffer Torrado (22) at Joseph Brutas (21) upang manguna sa nasabing panalo.

Nasayang naman ang game-high 32 puntos ni Carlo Lastimosa dahil bigo itong ipanalo ang Manila.

Sa huling laro, pinadapa ng host team San Juan ang Pateros-Metro Asia, 102-71.

Namuno si Joshua Ben Saret para sa Knights sa iniskor nitong 20 puntos, 4 rebounds at 6 assists.

Tumapos namang topscorer si Reiner Quinga para sa Pateros sa itinala nyang 23 puntos. Marivic Awitan

Iskor:

(Unang Laro)

Bacoor 81 - Orizu 14, Doligon 14, Montuano 12, Descamento 9, Ramirez 8, Acuna 6, Jamon 6, Mabulac 6, Malabag 5, Ochea 1, Miranda 0, Aquino 0, Maligon 0, Pradas 0, Galicia 0.

Pasigueno 58 - Okwuchukwu 21, Koga 12, Gaco 8, Caranguian 7, Sorela 6, Gatchalian 2, Rodriguez 2, Medina 0, Gallano 0, Jacinto 0.

Quarterscores: 22-16, 33-41, 55-51, 81-58.

(Ikalawang Laro)

Caloocan-Gerry’s Grill 120 - Bauzon 24, Enriquez 23, Torrado 22, Brutas 21, Sombero 13, Darang 10, Niang 5, Tamayo 2, Tay 0, Fajardo 0, Sy 0, Tan 0.

Manila 102 - Lastimosa 32, Alban 16, Collado 11, Matias 8, Castro 7, Manalo 7, Yu 6, Laude 5, Acibar 3, Orquina 3, Celada 2, Acosta 2, Balagtas 0, King 0.

Quarterscores: 37-24, 69-44, 91-73, 120-102.

(Ikatlong Laro)

Solid San Juan 102 - Saret 20, Miller 19, Canete 17, Astrero 11, Escalambre JC 7, Danas 6, Abanes 5, Clarianes 4, Matias 4, Jacunap 3, Dada 2, Elarmo 2, Castro 2, Acol 0, Bautista 0, Escalambre JJ 0.

Pateros-Metro Asia 71 - Quinga 23, Asis 16, Mabazza 8, Ongteco 5, Flores 5, Cayangan 5, Pacleb 4, Go 3, Tabasan 2, Cruz 0, Anasco 0, Marcial 0, Ocampo 0.