Pinayuhan ni Pangulong Duterte ang China na umalis sa Pag-asa Island sa West Philippine Sea, at sinabihan ang kanyang mga sundalo na maghanda sa “suicide mission” sakaling magtangka ang China na galawin ang mga sundalong nakaistasyon sa isla.
Ito ang sinabi ni Duterte kasunod ng mga ulat mula sa Western Command na mayroong 275 barko ng Chinese militia ang nasa Pag-Asa Island.
Sa kanyang talumpati sa Puerto Princesa, Palawan, sinabi ni Duterte na hindi niya binabalaan ang China, kundi pinapayuhan lang ito bilang “kaibigan”.
“I am trying to tell China: Yung Pag-asa [Island] is ours. We have been there [since] 1974. Kung inyo 'yan, bakit hindi ninyo pinaalis kami?” sinabi niya nitong Huwebes ng gabi.
Higit 300 kabataan, nagka-HIV dahil umano sa 'reused syringes'
"So let us be friends but do not touch Pag-asa Island and the rest. Otherwise, things would be different. This is not a warning, this is just a word of advice to my friends kasi kaibigan tayo ng China," dugtong niya.
Gayunman, sinabi ni Duterte na hindi siya magdadalawang-isip na magbuwis ng buhay kapag sinaktan ng mga Chinese ang mga Pinoy sa Pag-asa Island.
"I will not plead or beg, but I am just telling you that lay off the Pag-asa because may mga sundalo ako diyan. 'Pag 'yan ang ginalaw ninyo, ibang istorya na 'yan," aniya.
"'Di sabihin ko na yung mga sundalo ko: 'Prepare for suicide mission.' Wala naman talagang ano pa," dugtong niya.
-Argyll Cyrus B. Geducos
