MAGTITIPON-TIPON ang 12 pinakamagagaling na 3x3 basketball clubs ng rehiyon ngayong weekend upang maglaban-laban para sa unang International Basketball Federation (FIBA)-sanctioned Super Quest.

Nakatakdang magtagisan ng galing sa Abril 6 at 7 sa SM Megamall Fashion Hall, ang mga nagkumpirmang koponan mula sa Mongolia (world no. 2), China (no. 3), Japan (no. 4), Indonesia (no. 15), Australia (no. 25), New Zealand (no. 29), South Korea (no. 42), Chinese Taipei (no. 60), Vietnam (no. 65), at Hong Kong (no. 79) para sa Chooks-to-Go 3x3 Asia Pacific Super Quest.

Ang unang 3x3 basketball league sa bansa ay napili ng FIBA noong Pebrero 19 upang maging host ng level-eight event na inaasahang makakapagpaangat ng world 3x3 rankings ng Pilipinas.

“After last year’s success of the FIBA 3×3 World Cup organized by SBP, the initiative of Chooks-to-go to set up a tournament with international teams from Asia-Pacific qualifying to the FIBA 3×3 World Tour is excellent news. It underpins the effort of Chooks-to-go in organizing dozens of local 3×3 events and will accelerate the development of 3×3 in the Philippines,” pahayag ni FIBA 3×3 Managing Director Alex Sanchez na magiging panauhin ng dalawang araw na event.

“We are looking for tangible ways for the country to find its way to the Olympic Qualifying Tournaments. I know it’s hard at this point but we will try everything,” ayon kay Chooks-to-Go President Ronald Mascariñas. “We are happy to be chosen to host the first-ever Super Quest.”

Dating PBA player na sapilitang nanghalik ng babae sa bar, himas-rehas!

Kakatawanin naman ang Pilipinas ng President’s Cup champions Pasig Grindhouse Kings at runner-up 1Bataan Risers.

Kabilang sa mga makakalaban nila ang Ulaanbataar ng Mongolia, Enerskin ng Korea 3x3 Basketball League, Saigon Aces ng Vietnam, Absolute 3X3 Basketball ng Taipei, Jakarta West Bandits ng Indonesia, Tokyo Dime.exe ng Japan, TSV Reading Cinema ng Australia, Aotearoa ng New Zealand, Anytours M1 ng Hong Kong, at SSLC ng China.

Ang magwawagi sa Asia Pacific Super Quest ay makakasali sa FIBA 3X3 World Tour Masters Doha na idaraos sa Abril 18 -19 at sa Challenger Series sa Penang sa Mayo 12 - 13 bukod sa makapag-uuwi sila ng premyong $20,000.

Ang runner-up ay makakasama din sa Doha tournament at magkakamit ng premyong $15,000. Ang third at fourth place finishers ay makakasama naman sa Challenger Series sa Kunshan City sa China sa May 18-19 at makakapag-uwi ng premyong $7,000 at $4,000 ayon sa pagkakasunod habang ang 5th hanngang 8th placed teams ay bibigyan ng tig-$1,000 bilang consolation prize.

“With the Super Quest, we want to show the region that we can compete with the world’s best in 3×3 basketball,” pahayag naman ni league commissioner Eric Altamirano.