San Juan, nirapido ang Malabon sa CBA-Balita

San Juan, nirapido ang Malabon sa CBA

PINABAGSAK ng San Juan ang Malabon, 103-74, habang pinayuko ng Pasigueno ang Rizaba, 79-65, upang simulan ang kanilang mga kampanya sa Community Basketball Association (CBA) Founder's Cup sa San Juan Coliseum.

Nagsanib pwersa sina John Acol at Noah Lugo para sa San Juan sa nasikor na pinagsamang 41 puntos para pamunuan ang wire-to-wire na panalo ng Knights.

Pakitang gilas si Acol sa kanyang 22 puntos, tampok ang 6-of-9 shooting mula sa three-point area. Nakatuwang niya si Lugo na may 19 puntos.

Umabante ang San Juan sa 64-37 bentahe sa halftime.

Nag-ambag si Joseph Marquez ng 10 puntos, walong rebounds at apat na assists para sa Knights nina team owners Joey Valencia at Jay Cancio at coach Randy Alcantara.

Nanguna naman sina James Castro at Jessie James Collado sa kanilang tig -20 puntos para sa Arceegee Sportswear-supported Malabon team.

Magilas din ang panimula ng Pasigueno, na namayani laban sa Rizaba sa unang laro. Pasimuno sina Francis Ronquillo, Jerome Clarianes at Jonathan Boholano para sa Pasigueno nina team owner Raymond Lising at coach Lito Jacob.

Si Ronquilo ay may 15 puntos, kasunod si Clarianes na may 13 at Boholano na may 12 para sa Pasigueno.

Ang CBA ay itinatag ni actor-director Carlo Maceda, kasama sina Pido Jarencio bilang consultant at Beaujing Acot bilang operations head.

Sa opening nitong Enero 27, tinalo ng One San Mateo ang Malabon, 87-75.

Iskor:

(Unang Laro)

Pasigueno (79) - Ronquillo 15, Clarianes 13, Boholano 12, Jacinto 9, Pinili 6, Diaz 6, Trinidad 4, Fajardo 4, Malinao 4, Gallano 3, Rodriguez 3

Rizaba (65) - Lodia 19, Se 13, Lobarbio 7, Infante 7, Peig 5, Zapatero 4, Razon 2, Figuracion 2, Mercado 2, Arellano 2, Arcilla 2, Dimaala 0.

Quarterscores: 19-9, 34-32, 56-47, 79-65

(Ikalawang Laro)

San Juan (103) - Acol 22, Lugo 19, Marquez 10, Saret 8, Gabawan 8, Reyes 6, Arcusa 6, Clarito 5, Bonifacio 4, Bunag 3, Garcia 3, Astrero 3, Resopa 2, Ubalde 2, Aguirre 2

Malabon (74) - Castro 20, Collado 20, Corongoy 14, Balucanag 5, Ortega 3, Joves 2, Bruno 2, Carangalan 2, Ingles 2, Parungao 2, Ronquillo 2, Pagayunan 0, Mangalindan 0

Quarterscores: 22-12, 39-37, 72-54, 103-74.

PRO3, nilinaw pagkaaresto sa mga Aeta sa Mt. Pinatubo

Nagbigay ng paglilinaw ang Police Regional Office - 3 kaugnay sa pagkakadakip sa ilang Aeta na nagsagawa ng protesta Mt. Pinatubo crater noong Abril 18.Sa Facebook post ng PRO3 nitong Biyernes, Abril 26, ang pag-aresto umano nila sa mga Aeta ay nakabatay sa paglabag sa “public passage and unauthorized entry into an environmentally protected area.”“Ang lahat ng aksyon na isinagawa ng ating...

Pope Francis, tinig ng awa, habag, at pag-asa —Pangilinan

Nagbigay ng pagpupugay si dating Senador Francis “Kiko” Pangilinan kay Pope Francis na pumanaw noong Lunes, Abril 21.Sa X post ni Pangilinan nitong Sabado, Abril 26, inilarawan niya ang Santo Papa bilang “tinig ng awa, habag, at pag-asa.” Aniya, “Sa panahon ng matitinding pagsubok at kaguluhan sa mundo, siya ang naging tinig ng awa, habag, at pag-asa.” “Sa kanyang pamumuno, ating...

9-anyos na bata, patay matapos makuryente ng tinatayang 20 minuto

Patay ang isang 9 na taong gulang na batang lalaki matapos umano siyang makuryente nang akyatin ang isang gate sa bakuran ng kapitbahay.Ayon sa mga ulat, iginiit umano ng lola ng biktima na naglalaro lang daw ang kaniyang apo nang mangyari ang aksidente.Samantala, isang netizen din ang inulan ng batikos matapos umano nitong i-live sa Facebook ang nangyayari sa biktima. Tinatayang tumagal din...