Nangako si Pangulong Duterte na ipagpapatuloy ng Pilipinas ang pakikipag-ugnayan sa China bilang bahagi ng pagsisikap ng bansa na maidepensa ang West Philippine Sea (WPS).

Ayon kay Presidential Spokesman Salvador Panelo, sinisiguro ng Pangulo ang ugnayan ng Pilipinas at China sa patuloy nitong pagbibigay ng proteksiyon sa nasabing teritoryo.

“The President’s stance on defending our interests in the West Philippine Sea has never wavered,” pahayag ni Panelo, sa panayam sa BALITA.

“Like the strong and sensible leader he is, the President will remain steadfast in defending our country’s sovereign rights and maritime entitlements in the West Philippine Sea through maintaining open lines of communication and dialogues with China,” aniya.

National

Atty. Chel Diokno, benepisyaryo daw ng confidential funds ni VP Sara?

Dagdag ni Panelo, hindi lang nais ng administrasyon na protektahan ang bansa kundi pasiglahin din ang ugnayan ng Pilipinas sa China.

Sa umpisa ng kanyang termino, pumayag si Duterte sa bilateral consultation mechanism sa China, upang maisaayos ang sigalot sa South China Sea habang pinasisigla ang ugnayan ng dalawang bansa.

Ipinangako rin niya ang pagbuo ng arbitration ruling na magpapawalang-bisa sa pang-angkin ng China sa ating teritoryo.

Gayunman, ilang grupo ang tumuligsa sa administrasyon dahil sa kakulangan ng pag-aksiyon para sa karapatan ng Pilipinas sa kasagsagan ng reclamation at militarisasyon ng China sa isla.

Siniguro naman ni Panelo sa publiko na si Duterte ay may “deep sense of loyalty and love for the country” sa pangakong poprotektahan ang teritoryo ng bansa.