12-anyos sugatan sa five star, nagbenta inaresto

By Balita Online

December 31, 2018

In BALITA

Sugatan ang isang 12-anyos na lalaki matapos na maputukan ng five star, habang inaresto naman ang babaeng nagbenta ng nasabing paputok sa kanya, Malabon City, nitong Linggo ng hapon.

Dinala sa Ospital ng Malabon si Allen Ablaza, ng Barangay Taniong, Malabon, makaraang masugatan sa kaliwang kamay at noo.

Sa report ng pulisya, bandang 3:00 ng hapon at nagpapaputok ng five star ang bata sa labas ng kanyang bahay nang hindi nito kaagad naihagis ang sinindihang paputok kaya naputukan ito sa kamay at kaagad na isinugod sa ospital ng mga magulang nito.

Nagtungo sa ospital si SPO1 Jimmy Maglisay, ng Police Community Precinct (PCP)-6 at inusisa ang bata kung saan nito binili ang five star, kaya sinabi itinuro ng paslit si Rose Reyes, 40, ng Bgy. Taniong.

Pinuntahan ng mga pulis ang tindahan ni Reyes at inaresto ito, habang isinuko naman ni Benjie Buco, live-in partner ni Reyes ang 87 piraso ng five star na kanilang paninda.

-Orly L. Barcala

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...