MAY mga naniniwalang ang naba-blind item na paglipat ni Derek Ramsay sa GMA Network ang tinutukoy sa Instagram post ng aktor na: “Getting ready for a bigger and brighter 2019.”
May follower si Derek na nag-comment ng “Hello @ gmanetwork”, kasunod ng blind item ni Arnold Clavio sa DZBB na sa simula ng 2019 ay pipirma na ng kontrata sa Kapuso network si Derek.
Kung totoong matutuloy na ang pagpirma ni Derek ng kontrata sa GMA-7, hindi totoo kung ganu’n ang tsikang hindi siya matutuloy pumirma dahil si Gabby Concepcion na ang makakapareha ni Jennylyn Mercado sa rom-com series na kanilang gagawin.
Ang alam din namin, sa una pa lang ay hindi si Derek ang makakapareha ni Jennylyn sa nasabing rom-com series. Dapat ay si Jason Abalos, na pinalitan nga ni Gabby.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
As for Derek, si Marian Rivera ang narinig namin na makakapareha niya sa paglipat niya sa GMA. Hindi lang ito natuloy sa ngayon, dahil nagbuntis si Marian.
Ang sabi, sa first week ng January 2019 pipirma ng kontrata sa GMA si Derek, kaya abangan natin.
-Nitz Miralles
