NAG-VIRAL sa social media ang video kung saan nakitang nalaglag si Tony Labrusca matapos aksidenteng masuntok ng security guard habang inaawat ang nagkakagulong mga tao sa isang mall show ng aktor sa Batangas last weekend.
Nasa mall show sa Tanauan City, Batangas ang bida ng Glorious, at dinumog siya ng kanyang mga fans. Nahirapan ang security team na pigilan ang mga tao, at sa pag-aawat ng guwardiya ay aksidenteng nito si Tony. Nawalan ng panimbang si Tony at nabuwal.
“Kawawa naman si Tony. He went down during his visit in Victory Mall, Tanauan, Batangas. Hope he’s fine after all,” komento ni Patricia Ramilo sa ipinost niyang video, na viral na ngayon.
Nilinaw naman ni Tony na hindi siya nasaktan sa pangyayari. Wala rin daw kasalanan ang guard na nakasuntok sa kanya dahil alam naman ng aktor na pinoprotektahan lang siya ng guard sa mga fans na dumudumog sa kanya..
Hello, Love, Again natalbugan ang Rewind; netizens, nag-aaway sino bumitbit ng pelikula
“Hey guys, I noticed a lot of you are worried about me getting punched in the face in my last mall show. I’m totally okay. I know the guard didn’t mean it. Thanks to everyone for being so thoughtful!” post ni Tony.
-ADOR V. SALUTA
